Mar Elias Evangelisation

بسم الله الرحمن الرحيم
ܒܫܡ ܐܠܗܐ ܪܚܝܡܐ ܘܡܪܚܡܢܐ

بالسرياني : بشيم آلوهو رحيمو ومراحمونو
بشيم : بسم
آلوهو: الله
رحيمو: الرحمن
ومراحمونو: الرحيم

يعني بسم الاب والابن والروح القدس

عبارة بسم الله الرحمن الرحيم
موجودة عنا بالمسيحية من الاف السنين وبتدل على صفات الله.

ونحنا السريان منصلي لليوم، الوهو رحيمو ومراحمونو

اللغة السريانية هي اللغة الام لكل سكان منطقة الشرق الاوسط
وانا بقول ومسؤول عن كلامي انو نحنا ما منحكي عربي
لكن منحكي سرياني معرّب

٧٠ بالمية من اللغة اللي منحكيها اليوم هي سرياني
والباقي عربي وتركي وفرنسي وايطالي وانكليزي....

حتى اخوتنا الروم البيزنطيين بقيو يصلوا
باللغة السريانية بقداديسهون حتى القرن السادس عشر
ولليوم كل ضيعنا وقرانا ومدننا اساميها بالسرياني

بتأسف انو هاللغة شبه ماتت وما بقى نحكيها الا بشمال العراق
وبشمال سوريا وبمعلولا وبجبعدين وبالسويد لان فيها كتير سريان

الرب يسوع والعدرا والرسل حكو هاللغة وبشروا فيها ونشروا الانجيل

صح اللغة السريانية مهمة لكن الاهم نحكي لغة المحبة

والله معكون

الأب فادي عطالله.